fofo-star

ازيكم يا كل صحابي اللي بيقروا المدونه بتاعتي ,, انا حدخل في الموضوع على طول ومش حطول ..
النهارده واحنا وفي الكليه كان في واحده صحبتي عسووله معاها جريده حلوه زيها اسمها " المصري اليوم" اكيد كلكم عارفينها الجرنان ده بقى كان كاتب حتة مقاله عسل اه والله عسل , المقاله دي اسمها " لماذا ينتحر المصريون"

صحيح هما المصريين بينتحروا ليه ؟؟؟؟؟؟؟؟؟؟؟؟؟
أقولكم بقى كان مكتوب فيها ايه ، كان مكتوب ان المصرين بيموتوا نفسهم عشان اليأس ، والبطاله , وقلة الدخل , وعشان هما قرفوا من العيشه اللي عيشينها( من عندي دي)

وكمان كان حاطط أمثله للأبطال اللي انتحروا ضحية كل الحاجات دي ، زي مثلا المهندس الزراعي اللي اتخرج من سنة 1998 ومش لاقي شغل , والست الحامل دي ( أصل عندها خمس عيال) ونست تعمل تنظيم للاسره ، والطالب الفاشل اللي موت نفسه عشان هو فاشل ( ميموت هي البلد ناقصه فشله)، ( بهزرر)
ولا بقى اللي موت نفسه تخيلوااا كده ليه ؟؟ ليه؟ عشان مش عارف يتجوز البت بتاعته

المهم بقى خلونا نشوف كل واحد كده هو موت نفسه ليه .
المهندس ده اللي موت نفسه عشان الشغل فين الفرص اللي في البلد دي البلد فيها خيررر كتيرررر( اللهم لاحسد) وبعدين هو محاولش يعمل ليه فرصه عشان يعيش ولا ليه محاولش يشتغل شغلانه شريفه ياكل منها عيش وخلاااص لغاية ماربنا يسهله الحال .
طيب بلاااش ده شوفوا اللي عندها خمس عيال وجيبالهم السادس دي بقى عاوزه الدبح عشان هيه مسمتعتش عن تنظيم الأسره ولا متعرفش أنه احنا حيبقى عندنا انفجار سكاني , ولا عيالها دول اللي مش حتعرف تربيهم كويس وايما حيطلعوا منحرفين او من اولاد الشوارع الا إذا بقى هي اتبهدلت من بيت لبيت ومن شغل لشغل هي وجوزها عشان يربوا العيال كويس

برده سيبكم من دي خلينا نشوف الطالب اللي موت نفسه عشان حتت ماده لا راحت ولا جت وسمى نفسه فاشل
المهم هو فاهم معنى الفشل عنده ايه , انا بالنسبه ليه الفشل يعني اني مقدرش أعيش مع الناس أو أكون معاهم علاقات ( بس مع أي حد يعني برده)
مش المهم ان الواحد يفشل في الدراسه بس المهم منفشلش في حياتنا كلها

وكمان احنا لازم نساعد الطالب الفاشل ده عشان ميبقاش في نسخ مكرره من دي كتيرر ، يعني نشوف الأول عنده هدف ولا لالا ، ولو كان عنده هدف نعرف ايه هو وندور على انه احنا نخليه يحقق هدفه ده , ولو مش عنده هدف نساعده انه يبقى عنده هدف,ونخليه يعرف يحققه كويس.
وياريت نبقى منعلقش اخطاءنا واهمالنا وكل بلاوينا ومصايبا على الرف المايل ( انا مش عارفه هما بيقولوا عليها ايه) بس هي دي اللي أنا عارفاها ...
انا بقى مش عارفه أكتب ايه تاني بجد.. عشان أصلها حاجه تتعب القلب بجد ليه يعني يموتوا نفسهم كلها حاجات متدخلش دماغي بربع جنيه ،،، بس انا عندي فكره حلوه أنا حاسه أن الشعب ده محتاج إعادة تأهيل من أول وجديد وعايزين نعملهم حملات توعيه جاااامده أحسن كده حنخس وعددنا حيقل !!
بس قبل ماامشي عايزه أقول انه انا بحب مصر قووي وخايفه عليها وخايفه عليكم وعلى نفسي عشان انتوا كلكم أهلي وأنا بحب أهلي قووووووووي بجد مش هزار
ومش حطول عليكم .........
سلااااااااااااااااااااااااام
fofo is a starrrr